Plattdüütsleesweddstried

In uns Waldschool Berumerfehn beden wi al siet Jahren ok Plattdüütskunnerricht an. Upstünds löppt dat namiddags. Mit vööl Freid sünd de Schölers daarbi. Se helpen sük tegensiedig, denn se sünd all verscheden wied. Enig Kinner hebben en wunnerbaren Utspraak. Oma un Opa doon hör Best. Dat is mooi.

Veer Plattproters un –leesders hebben ok an de Plattdüütskleesweddstried deelnomen. Daar weren all Schölers ut de Ollkreis Nörden binanner. Dat Ulrichsgymasium hett dat wunnerbaar maakt. De Mesterske Fenna Campen hett dat all plaant un ok de Biller maakt.

In Maimaant lesen de Kinner van heel Oostfreesland in en School in Wittmund. Van uns School hört Ines Ihben ut de Klass van Froo  Goritzka daarto. In Nörden hebben ok Tomke Diekmann, Ayleen Hinrichs un Hilka van Ohlen hör Best geven. Daaröver hebben wi uns düchtig freit. Uns Moderspraak dürt neet utstarven. Dat höört to uns.

Plattdüütskunnerricht

Plattdüütskunnerricht